اوعي تصيف.. ليه !!!
البق
باختصار و عشان بردو مطولش عليك ف الكلام …
المصيف هو ايه غير شوية هدوم و خروجات و بحر و شوية حاجات فوق بعض كده…!!!
بص بقي يا سيدي لو المصيف يعني هدوم يعني في شنط يعني في دواليب في الفندق – مثلا لو انت معاك فلوس – يعني الفندق ده لو مكنش محترم و ينضف الغرف بتاعته بانتظام و خصوصا الدواليب و الأثاث و المراتب و الملايات و المخدات، فاحب اقولك انك في مشكلة احتمال تكون كبيرة …
حشرات البق تعتبر من الحشرات السخيفة في معيشتها معانا و كمان في مكافحتها .. بمعني ان انت لو عندك في البيت حشرات البق القميئة دي هتعمل ايه ..!!؟؟؟
بصراحة و من غير ما نطول علي بعض لازم تعرف ان حشرات البق دي بتتغذي علي دم الانسان و بتحب الأماكن اللي فيها رطوبة و الحرارة عالية نسبيا. كمان بتنتشر بسبب الحيوانات الاليفة المستانسة من الانسان زي القطط و اكلاب و الطيور بانواعها
عشان كده مش ضروري يكون البيت المصاب بحشرة البق بيت مش نضيف ، لانه ببساطة البق بيتنقل اكتر من انه بينشا في الأماكن اللي مش نضيفه.
اصل مشكلة البق معانا كانت من خمسينات القرن اللي فات لما كان الانسان بيستخدم مادة الدي دي تي اللي كانت بتقتل البق بسهولة و بتصيب الانسان باصابات شديدة في أوقات قصيرة.. ولما اتمنع استخدام المادة دي عشان صحة أطفالنا و اسرنا، حصل اللي مكنش حد متصور انه يحصل…!!
رجعت حشرات البق بمهاجمه الانسان بشراسة بعد قرار عدم استخدام مادة الدي دي تي لقتل البق و انتشرت حول العالم ، و البق ميعرفش قوة أمريكا العظمي فضربها بهجمه شرسة أصاب ناس كتير هناك ..
كمان البق هز السياحة في استراليا بعد هجمته الأخيرة عليها.. كمان كندا مسلمتش من البق و قرفه .. طبعا ناهيك عن دول العالم الثالث و مدي الانحطاط في مكافحة البق و الحشرات.
طبعا سؤال المصيف مروحهوش ليه لسه بيدور في دماغك …
ببساطة انت ممكن تسافر مصيف بس خلي بالك من شنطك و هدومك و الأماكن اللي هتشيلها فيها عشان المكان لو مصاب بالبق احتمال كبير ترجع بالبق علي البيت زي الباشا و ساعتها طرق مكافحة البق الطبيعية قليل اما بتنفع و كمان المشكلة الكبيرة ان حشرات البق تقدر تعاود هجومها في خلال 14 يوم تاني …
سافر انت المصيف بس خلي بالك من البق اللي احنا مش عارفين نكافحه ولا حتي عارفين نحطه علي قوائم الانتربول علي الإرهاب اللي هو معيشنا فيه بقاله اكتر من نص قرن…
